Банктаң SMS килген ӱчӱн, антимонопольнай службазар айланарға чарир
100 муң салковай - пу син штраф сал пирген федеральнай антимонопольнай служба «Хоум Кредит энд Финанс Банкка» законны сайбап, кізілернің номерлеріне банктың услугаларынаңар SMS - искіріглер таратхан ӱчӱн. Мындағ искіріглер идер алнында, анзына полған на кізінің чарадии поларға кирек.
Сірерге аймах банктардаң рекламалығ искіріглер килчетсе, сірер анзына чарадығ пирбеен ползаңар, оларны хатығлирға сағынчатсаңар, антимонопольнай службазар айланарға чарир. Анзына мындағ пічіктер кирек:
телефондағы рекламалығ искірігні сомға суурыбызарға кирек; пічік электроннай почтазар килген полза, аны печатьха позыдыбзарға; телефонға сығдыратхан ползалар, чоохтазығның аудиозапизі ползын; SMS - искіріг килген полза алай сығдыратхан ползалар, палғалыс операторынаң аны киречілепчеткен пічік (детализация) алып аларға.
Пічіктерні, айланыстарны, хоптаныстарны Хакасияның антимонопольнай службазынзар pressto19@fas.gov.ru электроннай почтазынзар ызыбызарға чарир.
Пічікті ызар алнында, банктаң иділген чӧптезігні чахсы кӧрібізіңер, арса, реклама тарадарға чаратчатхан чаӌында хол салыбысхан поларзар.